عابر سبيل

[color=red]عابر سبيل مشوار طويل
والحلم متلفح بليل
والموت سكوت
والعتمه موت
والاهه تصرخ الف ويل
فين السبيل ؟
من غربة اللليل الطويل
دقيت علي كل البيبان
مشتاق يا حلمي
ياللي كان : محفور علي كل الحيطان
صورة واذان
واتسرسبت مني السنين
موال حزين مادريت ولا اعرف
هو فين ؟؟!
يمكن يكون
يمكن يهون
يمكن ماتنزل دمعتين
تطهر الليل م الانين
لما اتخنق فيه الحنين
واتلجم القلم الفصيح
مبقاش يصيح !!!
ياشاعر الناي والربابه
يا عاشق الناس الغلابه
المحرومين من الحلم والتفاريح
اللي بيوتهم من ازاز وصفيح
متشوقين للنسمه وسط الريح
اللي ساكنهم الالم تباريح
اللي عاشقهم السكات تسابيح
يا شاعر الناي والربابه
متلجمه يا شمعة المصابيح
[color:5ebd=cyan:5ebd]

اخوكم

فراس بدر الدين